ສ້າງ ແລະ ແກ້ໄຂສັນຍາ

ໃຊ້ໜ້ານີ້ເມື່ອຕ້ອງການ ຈົດທະບຽນສັນຍາໃໝ່ ຫຼື ອັບເດດສັນຍາທີ່ມີຢູ່.

ຂໍ້ກຳນົດ: ທ່ານເຂົ້າສູ່ລະບົບ Admin ແລ້ວມີສິດ ສ້າງ / ແກ້ໄຂ.

ຂັ້ນຕອນສ້າງ

1. ໄປທີ່ ເອກະສານສັນຍາ → ສັນຍາເຊົ່າ ແລະ ສຳປະທານ
2. ກົດ ເພີ່ມສັນຍາ
3. ເລືອກປະເພດສັນຍາກ່ອນ — ສຳປະທານ ຫຼື ສັນຍາເຊົ່າ
4. ປ້ອນຂໍ້ມູນຕາມພາກສ່ວນ
5. ກົດ ບັນທຶກ ແລະ ຢືນຢັນການສ້າງສັນຍາ

ຂັ້ນຕອນແກ້ໄຂ

1. ເລືອກວິທີໜຶ່ງ:
   • ໃນແຖວ ກົດ ⋮ → ແກ້ໄຂ
   • ຫຼື ເປີດລາຍລະອຽດ ແລ້ວ ກົດ ແກ້ໄຂ
2. ປ່ຽນຊ່ອງທີ່ຕ້ອງການ
3. ກົດ ບັນທຶກ

ສຳຄັນ

ຫຼັງມີການຊຳລະແລ້ວ ຊ່ອງເງິນບາງຊ່ອງຈະຖືກລັອກ

ພາກສ່ວນແບບຟອມ

ພາກສ່ວນທີ່ສະແດງຂຶ້ນກັບປະເພດສັນຍາ.

1. ຂໍ້ມູນປະເພດສັນຍາ

ຊ່ອງ	ໝາຍເຫດ
ສຳປະທານ	ສັນຍາຫຼາຍຝ່າຍ ມີຜູ້ລົງທຶນ ແລະ ຄູ່ສັນຍາຝ່າຍລັດຖະບານຫຼາຍກຸ່ມ
ສັນຍາເຊົ່າ	ສັນຍາເຊົ່າງ່າຍໆ ຜູ້ເຊົ່າດຽວ ຕ້ອງມີໂຄງສ້າງອົງກອນ

2. ຂໍ້ມູນພື້ນຖານສັນຍາ

ຊ່ອງ	ໝາຍເຫດ
ຊື່ໂຄງການ/ສັນຍາ	ຊື່ໂຄງການ/ສັນຍາ
ເລກທີສັນຍາ	ເລກທີສັນຍາ
ປະເພດທຸລະກິດ	ປະເພດທຸລະກິດ
ວັນທີລົງນາມ	ວັນທີລົງນາມ
ວັນທີສິ້ນສຸດ	ວັນທີສິ້ນສຸດ
ອາຍຸສຳປະທານ (ປີ)	ອາຍຸສຳປະທານ (ປີ)

3. ຂໍ້ມູນການຈ່າຍເງິນ

ຊ່ອງ	ໝາຍເຫດ
ສະກຸນເງິນ	LAK / USD / THB
ມູນຄ່າລາຍປີ	ມູນຄ່າພື້ນຖານລາຍປີກ່ອນເພີ່ມ. ລະບົບຈະຄິດໄລ່ມູນຄ່າສັນຍາທັງໝົດຈາກຄ່ານີ້
ມູນຄ່າຕາມສັນຍາ	ມູນຄ່າສັນຍາທັງໝົດຕະຫຼອດສັນຍາ
ຄິດໄລ່ສອດຄ່ອງກັນອັດຕະໂນມັດ	ຊ່ອງ ມູນຄ່າລາຍປີ ແລະ ມູນຄ່າຕາມສັນຍາ ຄິດສອດຄ່ອງກັນອັດຕະໂນມັດ. ປ້ອນອັນໃດກໍ່ອັນໜຶ່ງ ອີກອັນຈະອັບເດດຕາມ.
ຈຳນວນເງິນຕໍ່ງວດ	ຄິດໄລ່ອັດຕະໂນມັດຈາກມູນຄ່າສັນຍາ
ປີເລີ່ມເກັບເງິນ	ປີເລີ່ມເກັບເງິນ
ກຳນົດການຊຳລະເງິນ	ເລືອກວັນ/ເດືອນ/ປີ ທີ່ກຳນົດໃຫ້ຊຳລະທຸກປີ. ຖ້າບໍ່ຊຳລະພາຍໃນວັນນີ້ຈະມີຄ່າປັບໄໝ
ຈ່າຍກ່ອນລວງໜ້າ	ຈ່າຍກ່ອນລວງໜ້າ

ກົດເພີ່ມລາຄາລາຍປີ

ຄືນນີ້ຄືກຸ່ມສຳຄັນທີ່ສຸດຂອງສັນຍາເຊົ່າ. ທ່ານກຳນົດວ່າ ທຸກໆ N ປີ ລາຄາເຊົ່າຈະເພີ່ມ X%.

ລາຄາເຊົ່າຈະເພີ່ມທຸກໆ N ປີ ຕາມເປີເຊັນທີ່ກຳນົດ. ການເພີ່ມແຕ່ລະຄັ້ງຈະສະສົມຕໍ່ເນື່ອຈົນສິ້ນສຸດສັນຍາ. ປ່ອຍວ່າງຖ້າບໍ່ມີການເພີ່ມ

ວິທີປ້ອນ

1. ປ້ອນ ຈຳນວນປີ = ທຸກໆກີ່ປີຈຶ່ງເພີ່ມຄັ້ງໜຶ່ງ (ຕົວຢ່າງ: 3 = ເພີ່ມທຸກ 3 ປີ)
2. ປ້ອນ ມູນຄ່າເພີ້ມ (%) = ເປີເຊັນທີ່ເພີ່ມ (ຕົວຢ່າງ: 5 = ເພີ່ມ 5%)
3. ລະບົບຈະສະແດງ ຕາຕະລາງການຊຳລະ ອັດຕະໂນມັດ ເພື່ອໃຫ້ທ່ານເຫັນວ່າແຕ່ລະໄລຍະລະບົບຈະເພີ່ມລາຄາເຊົ່າແນວໃດ

ການເພີ່ມແບບສະສົມ (ຄິດລົງງ່າຍໆ)

ການເພີ່ມທຸກຄັ້ງຈະຄິດຈາກ ມູນຄ່າປີກ່ອນໜ້າ ບໍ່ໃຊ້ມູນຄ່າເດີມທຸກຄັ້ງ. ດັ່ງນັ້ນມູນຄ່າຈະເພີ່ມຕໍ່ເນື່ອງໄປຈົນສິ້ນສຸດສັນຍາ.

ຕົວຢ່າງຈາກຕົວເລກ

ມູນຄ່າລາຍປີ = 10,000,000 ກີບ, ອາຍຸສັນຍາ = 10 ປີ, ເພີ່ມທຸກ 3 ປີ ເພີ່ມ 5%:

• ປີ 1–3: ຈ່າຍ 10,000,000 /ປີ (ຍັງບໍ່ເພີ່ມ)
• ປີ 4–6: ເພີ່ມ 5% → 10,500,000 /ປີ
• ປີ 7–9: ເພີ່ມ 5% ຈາກ 10,500,000 → 11,025,000 /ປີ
• ປີ 10: ເພີ່ມ 5% ຈາກ 11,025,000 → 11,576,250 /ປີ

ສຳຄັນ

ຖ້າປ້ອນ 0% ຫຼື ປ່ອຍວ່າງ ລະບົບຈະວ່າ ບໍ່ມີການເພີ່ມ ແລະຈຳນວນປີຈະຖືກປິດໃຊ້ງານ.

ຊ່ອງ ມູນຄ່າລາຍປີ ແລະ ມູນຄ່າຕາມສັນຍາ ຄິດສອດຄ່ອງກັນອັດຕະໂນມັດ. ປ້ອນອັນໃດກໍ່ອັນໜຶ່ງ ອີກອັນຈະອັບເດດຕາມ.

ຄ່າປັບຊ້າ

ຄ່າປັບຊ້າ ຄືເງິນທີ່ຕ້ອງຈ່າຍເພີ່ມເມື່ອຜູ້ເຊົ່າ / ນັກລົງທຶນ ຊ້າກວ່າວັນທີກຳນົດຊຳລະ.

ມີ 3 ປະເພດທີ່ເລືອກໄດ້

ຊື່	ຄວາມໝາຍ
ເປີເຊັນ (%)	ຄິດເປັນ % ຂອງຈຳນວນເງິນຕໍ່ງວດ. ຕົວຢ່າງ: ງວດ = 10,000,000, ຄ່າປັບ = 10% → ຄ່າປັບ = 1,000,000
ຈຳນວນເງິນຄົງທີ່	ກຳນົດຈຳນວນເງິນຕາມຕົວເລກ (ຕົວຢ່າງ: 500,000 ກີບ) ທຸກຄັ້ງທີ່ຊ້າ
ເປີເຊັນແບບຂັ້ນບັນໄດ	10% ສຳລັບ 30 ວັນທຳອິດທີ່ຊ້າ, ຈາກນັ້ນເພີ່ມ 10% ທຸກໆ 30 ວັນ, ສູງສຸດ 100% ຂອງຈຳນວນທີ່ຕ້ອງຊຳລະ

ຫຼັງຈາກເລືອກປະເພດ ລະບົບຈະສະແດງຊິບເຕືອນມູນຄ່າຄ່າປັບຊ້າທີ່ຄິດໄດ້ ເພື່ອໃຫ້ທ່ານກວດກ່ອນບັນທຶກ.

ສຳຄັນ

ຄ່າປັບຊ້າ ບໍ່ສາມາດເກີນ ຈຳນວນເງິນຕໍ່ງວດ. ຖ້າປ້ອນເກີນ ລະບົບຈະສະແດງຂໍ້ຜິດ ແລະບັນທຶກບໍ່ໄດ້.

ຄ່າປັບຊ້າບໍ່ສາມາດເກີນຈຳນວນທີ່ຕ້ອງຊຳລະຕາມຄວາມຖີ່ທີ່ເລືອກ

4. ຂໍ້ມູນຄູ່ສັນຍາ / ຂໍ້ມູນຕອນດິນ / ແນບໄຟລ໌

ພາກສ່ວນ	ສິ່ງທີ່ປ້ອນ
ຂໍ້ມູນຄູ່ສັນຍາ	ຄູ່ສັນຍາຝ່າຍລັດຖະບານ / ຄູ່ສັນຍາຝ່າຍນັກລົງທຶນ / ຜູ້ເຊົ່າ
ຂໍ້ມູນຕອນດິນ	ທີ່ຕັ້ງຕອນດິນ, ຂໍ້ມູນເນື້ອທີ່, ພິກັດແຜນທີ່ Google Map
ແນບໄຟລ໌	ແນບເອກະສານສັນຍາ

ກວດວ່າສຳເລັດ

• ມີຂໍ້ຄວາມສຳເລັດ
• ກັບໄປໜ້າລາຍການ ຫຼື ເປີດໜ້າລາຍລະອຽດ
• ຂໍ້ມູນໃນໜ້າລາຍລະອຽດກົງກັບຄ່າທີ່ບັນທຶກ

ບັນຫາທົ່ວໄປ

ອາການ	ສາເຫດ	ວິທີແກ້
ບັນທຶກບໍ່ໄດ້	ຂາດຊ່ອງຈຳເປັນ	ກວດຊ່ອງທີ່ມີ *
ບັນທຶກບໍ່ໄດ້ — ຄ່າປັບຊ້າບໍ່ສາມາດເກີນຈຳນວນທີ່ຕ້ອງຊຳລະຕາມຄວາມຖີ່ທີ່ເລືອກ	ຄ່າປັບຊ້າ ບໍ່ສາມາດເກີນ ຈຳນວນເງິນຕໍ່ງວດ. ຖ້າປ້ອນເກີນ ລະບົບຈະສະແດງຂໍ້ຜິດ ແລະບັນທຶກບໍ່ໄດ້.	ຫຼຸດມູນຄ່າຄ່າປັບຊ້າ
ບໍ່ເຫັນຊ່ອງມູນຄ່າ	ຍັງບໍ່ເລືອກປະເພດສັນຍາ	ເລືອກປະເພດສັນຍາກ່ອນ — ສຳປະທານ ຫຼື ສັນຍາເຊົ່າ

ຂັ້ນຕອນຕໍ່ໄປ

• ລາຍລະອຽດສັນຍາ
• ລາຍການ ແລະ ການກອງ
• ພາບລວມສັນຍາເຊົ່າ ແລະ ສຳປະທານ